“BE të mos i japë statusin Serbisë”

Këto deklarata z. Hoxhaj i bëri në mbledhjen e radhës të Këshillit të Sigurimit në të cilën u paraqit raporti tre mujor për Kosovën. Hoxhaj tha se nëse Serbia merr statusin e kandidatit pa i përmbushur obligimet karshi Kosovës, situata në veri do të transferohet në një konflikt të ngrirë, marrëveshjet nuk do të zbatohen dhe procesi i normalizimit të marrëdhënieve mes Kosoves dhe Serbise nuk do të ketë të ardhme.

“Paqja dhe stabliliteti mes Kosovës dhe Serbisë dhe prosperitetit në rajon do të varet nga vendimet që do të merren në Bruksel nga KE. Nëse Serbia shpërblehet me statusin kandidat, pa shpërndarjen e strukturave të policisë dhe sigurisë, pa bërë largimin e barrikadave apo zbatimin e marrëeshjeve të arritura në dialogun teknik, pasojat do të jenë të shkurtra dhe afatgjata”, tha Enver Hoxhaj, Ministër i Punëve të Jashtme i Kosovës.

Nga ana tjetër ministri i jashtëm serb Vuk Jeremic kërkoi nga Këshilli i Sigurimit t’i mbështesë rezolutat e tij në këmbim të zgjidhjeve në dialogun Prishtinë-Beograd. Ai kërkoi zgjidhje për veriun e Kosovës, ruajtje të enklavave serbe si dhe ruajtjen e trashëgimisë kulturore serbe në Kosovë.

“Një zgjidhje gjithëpërfshirëse ende nuk është gjetur. Presdienti Tadic ka thënë vazhdimisht që duhet të ketë siguri ndëkombëtare që ruajnë interesat tona brenda krahinës dhe të sigurojnë një zgjidhje reale për Kosovën veriore”, tha Vuk Jeremic, Ministër i Punëve të Jashtme i Serbisë.

Pjesë e fjalimit të ministrit serb ishte edhe pritja me gurë që iu bë presidentit të Serbisë gjatë vizitës së tij në Kosovë.

Ndërsa hetimi i trafikimit të organeve për ministrin serb është një nga cështjet më të rëndësishme.

Kina dhe Rusia si zakonisht mbështetën qëndrimet e Serbisë, ndërsa Rusia shprehu edhe më tutje gatishmërinë e saj për të ndihmuar serbët e Kosovës.

Nga ana tjetër aleatët e Kosovës, si Franca e Britania mbështeten dialogun Prishtinë dhe Beograd dhe apeluan për implementimin e marrëveshjeve të arritura si dhe heqjen e barrikadave në veri.

Top Channel