Trezeguet transferohet tek River Plate

Në Buenos Aires, tek “los milionarios”, 34-vjeçari mund të gjejë ish-shokun e tij të skuadrës, Mauro German Camoranesi, gjithashtu në negociata për të mbyllur karrierën tek kjo skuadër.

”Jam larguar shumë i ri nga Argjentina dhe kam shumë dëshirë të rikthehem. Të luaj tek Riveri është një ëndërr që gjithmonë e kam patur”, thotë futbollisti me origjinë latine nga babai.

Trezeguet, i cili të enjten vizitoi stadiumin “Monumental” së bashku me Daniel Pasarelën, do të firmosë një kontratë për dy vit e gjysmë. “Fizikisht jam ende në formë shumë të mirë dhe jam i bindur që mund të bëj një punë të mirë. Kam folur me Almeydën (trajnerin) dhe kemi gjetur menjëherë një sintoni të plotë. Seria B nuk më tremb, kam luajtur atje edhe me Juventusin. Jam i bindur që do të rikthehemi shumë shpejt në nivelet që meriton Riveri”, u shpreh dy herë golashënuesi më i mirë i Serisë A.

Top Channel