Herman Cain ka hequr dorë nga gara republikane për kandidat të Shteteve të Bashkuara të Amerikës.
Në fakt, vetë kandidati më ngjyrë, ka deklaruar se ka “pezulluar” garën e tij, duke lënë të hapur kështu mundësinë e rikthimit, por mediat amerikane shkruajnë se bëhet fjalë për një tërheqje përfundimtare, kushtëzuar nga skandalet e shumta dhe numri i madh i femrave që e kanë akuzuar për ngacmime seksuale atë.
Ai e justifikoi vendimin për të mbrojtur familjen dhe figurën e tij, të prekur nga akuza, sipas tij false e që nuk mund të provohen dhe shtoi se mirëpret me qetësi cdo lloj hetimi në lidhje me akuzat e ngritura kundër tij.
Ish-kreu i Federal Reserve në Kansas City dhe ish-pronar i rrjetit të ushqimeve të shpejta, “Godfather’s Pizza”, Herman Cain u akuzua nga katër femra për ngacmime dhe abuzime seksuale në ambientet e punës.
Top Channel
