Bakaj: Ta sulmojmë Francën, s’kemi ç’të humbasim

“E kam thënë edhe më parë, çdo lojtar ka dëshirë të luajë sa më shumë, sqaron Bakaj. Unë jam përpjekur të jap maksimumin në ato minuta që më janë besuar. Nëse do të më jepet mundësia që të luaj, edhe pse është një ndeshje shumë e fortë, do të jap më të mirën që të justifikoj veten”.

Për sa i përket mundësisë për të qenë titullar, mesfushori 24-vjeçar thekson se ai nuk ka bërë kurrë polemikë dhe nuk do të bëjë as tani, pasi vendimin për 11-shen e merr trajneri Josip Kuzhe, por ai thekson “se është i gatshëm për gjithçka, nëse tekniku kroat do ta gjykojë të arsyeshme”.

Me Dinamon e Bukureshtit këtë fundjavë ka shënuar golin e parë sezonal, të cilën e kishte kërkuar prej javës, megjithatë ai është i kënaqur me suksesin që po korr skuadra: “Po kalojmë një formë të mirë. Jemi në vend të parë dhe presim shumë nga ky vit”. Për sa i përket ndeshjes së 7 tetorit, Bakaj mendon se “nuk duhet të luajmë në mbrojtje, pasi nuk kemi se çfarë të humbasim. Në dy vjet kemi bërë një ndeshje të dobët, atë me Luksemburgun dhe përderisa ne duam t’i marrim pikë Francës, përse të mos i marrë pikë Shqipërisë? Për ne ishte një ndeshje tragjike. E kemi vuajtur shumë, pasi jemi ne ata që kemi luajtur dhe përgjegjësia na bie ne, por nuk mund ta hedhim poshtë të tërë sezonin. Në Francë nuk duhet të shkojmë si inferiorë dhe as me kokën ulur. Nuk kemi presion, nuk kemi çfarë të humbasim”. Kundërshtarit tonë mund t’i mungojnë Benzema e Riberi, por për mesfushorin kuqezi kjo nuk do të thotë se në “Stade de France” do jetë një Francë më e dobët, pasi “Gjelat kanë plot lojtarë të tjerë kualitativë.

Top Channel