“Delo”: Serbia, pranë njohjes së Kosovës

“Edhe pse vula doganore, e cila ka si objektiv normalizimin e qarkullimit të mallrave, nuk do të përmbajë simbole shtetërore të Kosovës, ajo e afron Serbinë drejt njohjes së pavarësisë së Kosovës”, shkruan gazeta.

E përditshmja “Delo” gjithashtu vlerëson se rezultatet në raundin e fundit të bisedimeve janë arritur për shkak të trysnisë që Brukseli ka ushtruar mbi Beogradin e Uashingtoni mbi Prishtinën.

“Për këtë arritje është kujdesur edhe kancelarja gjermane Angela Merkel, e cila pa doreza diplomatike ka deklaruar se përparimi i Serbisë drejt anëtarësimit në BE varet nga përparimi në raportet Beograd–Prishtinë”, shkruan gazeta sllovene.

“The Economist”: Serbia po prek fundin

“Kancelarja gjermane Angela Merkel ka fundosur anijen e politikës së jashtme të Serbisë”.

Kështu shkruhet në një artikull të së përjavshmes britanike “The Economist”, e cila do të botohet ditën e shtunë.

“The Economist” vlerëson se Serbisë po i ecte gjithcka mirë në rrugën drejt BE-së, derisa në Beograd vajti kancelarja Merkel.

Kjo e fundit, kujton gazeta, i bëri të qartë presidentit Tadic se, nëse do të anëtarësohet në BE, duhet të shpërbëjë strukturat paralele në veri të Kosovës.

Kushtet e Merkel për Beogradin

Serbia nuk ka mundur t’ia kthej fjalën menjëherë kancelares gjermane, Angela Merkel.

Por vizita e saj në kryeqytetin serb nuk i ka gëzuar të gjithë dhe nuk ka qenë një lajm i mirë.

Deklaratat e saj për heqjen e institucioneve paralele në Kosovë ka vënë Serbinë edhe para një dileme që deri tani nuk ishte ushqyer si e tillë.

Top Channel