Ushtria irakene vret 34 azilantë
14/04/2011 21:20
Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Organizata e Kombeve të Bashkuara bëri me dije se 34 persona janë vrarë nga ushtria irakene ne kampin Ashraf, ku janë strehuar disa azilantë iranianë.
Ky është raportimi i parë i konfirmuar për vdekje në përplasjet midis ushtrisë dhe antarëve të Organizatës Popullore të Muxhahedinëve të Iranit.
Burimet e Bagdadit zyrtar kishin pranuar vetëm tre viktima. Grupi, i konsideruar si një organizatë terroriste nga SHBA dhe Irani, është spostuar në Irak që prej vitit 1980, pasi iu dha e drejta të jetonin në Ashraf, një qytet në veriun e vendit.
Zëdhënësi i OKB-së për të drejtat e njeriut, Rupert Colville, deklaroi se një skuadër vëzhguesish kishte zbuluar 28 trupa në kamp, ndërsa shumica e tyre ishin ekzekutuar me një plumb të vetëm.
”Ky është një incident shumë serioz dhe po përpiqemi të marrim më shumë informacion”.
Top Channel
