Turqi, kapen 250 kg heroinë
02/04/2011 09:10
Policia turke ka kryer një operacion të gjerë anti-drogë në qytetin e Stambollit, ku ka sekuestruar 250 kg heroinë dhe ka arrestuar 21 persona.
Lajmin e bëjnë të ditur agjencitë lokale informative, sipas të cilave shumica e të arrestuarve janë turq, por mes tyre ka edhe trafikantë nga vendet e Ballkanit.
Turqia është rruga kryesore përmes të cilës heroina afgane shkon drejt vendeve të Evropës perëndimore, të cilat kanë qenë destinacioni edhe i drogës së sekuestruar këtë herë.
Një oficer i lartë i policisë turke ka deklaruar se në vitet e fundit në Turqi janë sekuestruar 112 tonelata lëndë narkotike, kryesisht heroinë, hashash dhe morfinë.
Top Channel