Afganistan, atentat vetëvrasës në Kunduz
02/01/2011 09:00
Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Tre roje sigurie që punonin për një kompani private janë vrarë në një sulm vetëvrasës në veri të Afganistanit.
Incidenti ka ndodhur në afërsi të një ndërtese në qytetin e Kunduzit, kur një atentator vetëvrasës u hodh në erë në hyrje të saj.
Më pas, dy militantë të tjerë hynë në ndërtesë dhe shkëmbyen zjarr me forcat e sigurisë, duke lënë të plagosur 9 prej tyre.
Provinca e Kunduzit ka qenë një pjesë relativisht e qetë e vendit, por në muajt e fundit ka humbur stabilitetin e saj.
Mësohet se ndërtesa e sulmuar ishte një shtëpi pritjeje, ku po qëndronin një numër i konsiderueshëm të huajsh, të cilët u arratisën nga pjesa e praprme e shtëpisë.
Ndërkohë, burime të tjera deklarojnë se godina shërbente si zyrë për një agjenci private sigurie.
Top Channel
