Kina e cilëson korrupsionin problem serioz

Në një raport qeveritar të publikuar sot në mediat e vendit me popullsinë më të madhe në botë, informohej se më shumë se 200 mijë çështje korrupsioni janë hetuar që prej 2003-it.

Rezultatet kanë qenë të dukshme, por përsëri korrupsioni mbetet një problem i pazgjidhur, shkruhej në raport. Ligji që e dënon me vdekje korrupsionin nuk ka ndikuar shumë në frenimin e tij.

Sipas kritikëve, vjedhja e fondeve publike është pjesë përbërëse e sistemit dhe rregullat e reja nuk janë në gjendje të zgjidhin këtë problem.

Një prej antarëve më të lartë të Partisë Komuniste Kineze në Shangai, Chen Liangyu, u dënua me 18 vjet burg në 2008-n pas një skandali me fondin e pensioneve. Në vitin aktual, kreu i Gjykatës së Chongqing-ut, Wen Qiang, u ekzekutua pasi u provua që pranonte rryshfete nga krimi i organizuar.

Top Channel