Assange: Jemi në 2 përqind të punës
29/12/2010 01:05
Rritet numri i aplikimeve për natyralizim prej izraelitëve me rrënjë gjermane, rreth 7 mijë aplikime në 2024 27/05 10:45
Megjithëse dokumentet dhe raportet sekrete të diplomatëve amerikanë të publikuara në muajt e fundit janë me qindra, themeluesi i Wikileaks, Julian Assange shprehet puna ka arritur vetëm në 2 përqind të saj.
Australiani paralajmëron se do të vazhdojë zbardhjen e dokumenteve sekrete në faqen e internetit në bashkëpunim me mbështetësit e tij, që siç tha ai ndodhen në të pestë kontinentet.
“Në SHBA po punohet e studiohet hollësisht se si të ngrihet një akuzë spiunazhi kundër meje. Është një kërcënim që unë e marr shumë seriozisht, por ende jemi në 2 përqind të punës sonë dhe unë e bashkëpunëtorët e mi që ndodhen në të pestë kontinentet jemi të vendosur të vazhdojmë përpara”, tha në një intervistë për “Chi”, Assange.
Hackeri australian tha se synon ndërtimin e një bote më të qytetëruar dhe se ndodhet në pritje të gjyqit të 7 shkurtit ku do të vendoset për ekstradimin ose jo të tij në Suedi ku akuzohet për ngacmime seksuale.
Top Channel
