Studimi: Pesimizëm në vendet e zhvilluara
22/12/2010 16:50
“Ikën shpirti, zemra, gjithçka”/ Trauma e Neritan Liçajt: Babai nuk jeton më, por ja si flas çdo mëngjes me të… 05/05 09:57
Një pesimizëm i përgjithshëm ekziston në vendet e zhvilluara për të ardhmen, ndërsa shtetet me rritje të mëdha si Kina, Brazili dhe India rezultojnë më entuziastët, në një studim të “Gallup International”, publikuar gjatë ditës së sotme.
Në tërësi, u anketuan 64 mijë persona, në 53 vende të ndryshme të botës. Njerëzit u pyetën për parashikimet e tyre për ekonominë e shtetit dhe gjendje personale në 12 muajt e ardhshëm.
Në total, pyetjes nëse viti 2011 do të jetë një vit i begatë, iu përgjigjën 30% e të anketuarve pozitivisht, 28% negativisht ndërsa 42% mendojnë se nuk do të ketë asnjë ndryshim.
Bilanci negativ, pra me më shumë persona që presin një vit të mbrapshtë mbizotëronte në 34 vende, ku figurojnë të shtatë vendet më të industrializuara të botës, SHBA, Kanada, Japoni, Gjermani, Francë, Britani dhe Itali.
Në 19 shtetet e mbetura, ekziston bindja se ekonomia dhe mirëqënia vetjake do të pësojë rritje. Vende me ekonomi në zhvillim si Brazili, Rusia, Kina dhe India binin në sy midis atyre me një popullsi entuziaste për të ardhmen.
Rezultatet e sondazhit të tij, Gallup i përkufizonte: “Ndërsa pasuria vazhdon të jetë e përqendruar në Europë dhe Ameriknë e Veriut, optimizmit për të ardhmen është spostuar dukshëm nga perëndimi në lindje”.
Top Channel
