Në prag të garës së Singaporit, Lewis Hamilton ndihet optimist dhe beson se do ta rekuperojë pozicionin si lider i botërorit.
“Ferrari është shumë e shpejtë në këtë pistë dhe e pres kompetitive. Edhe Red Bull vitin e shkuar dha rezultate. Unë dhe Button duhet të luftojmë shumë por këto ditë skuadra jonë ka bërë një punë fantastike. Mendoj se McLaren është rritur shumë në krahasim me garën e shkuar dhe kam shumë besim”, theksoi britaniku.
Më tej ai ka komentuar edhe zërat për hyrjen e femrave në Formula 1. “Do të ishte eksituese. Besoj se të gjithë pilotët kanë dëshirë të shikojnë një pilote femër në pistë. Herët a vonë do vijë momenti”, përfundon Hamilton.
Top Channel
