Wikileaks: Pas pak javësh dokumente të reja
14/08/2010 19:10
Wikileaks do të publikojë dosje të reja mbi Afganistanin brenda pak javësh, por pa emrat e civilëve afganë që kanë humbur jetën.
Lajmin e ka bërë të ditur themeluesi i ueb sajtit, Julian Assange, i cili ka saktësuar se po verifikohen “rresht për rresht” 15 mijë dokumentet pikërisht për të mbrojtur bashkëpunëtorët lokalë të trupave ndërkombëtare.
Pirati australian informatik u është përgjigjur kështu akuzave për papërgjegjshmëri të bëra nga Pentagoni dhe disa OJQ.
Autoritetet amerikane të Departamentit të Mbrojtjes deklaruan se publikimi i dokumentave do të dëmtonte rëndë planet e luftës në Afganistan dhe kërkuan tërheqjen e Wikileaks.
Top Channel