Një amerikane 33 vjecare ka denoncuar kompaninë “Citygroup” për diskriminim pasi sipas saj, u pushua nga puna për shkak të bukurisë.
Nga ana tjetër, kompania ka reaguar duke thënë se pushimi u krye për shkak të rezultateve të dobëta në punë. Akuzën ndaj “Citygroup” e ka bërë avokati i shtetases Debrahlee Lorenzana, e cila rrëfen për revistën “Village Voice” punën si asistente.
Ajo u pushua nga puna në shtator të vitit 2008. Kolegët i bënë me dije se kjo masë erdhi për shkak të bukurisë së saj edhe pse fillimisht 33 vjecarja nuk u besoi këtyre fjalëve. “Mos vish fustane shumë të shkurtër. Mos përdor këto këmisha”, ishin disa nga kërkesat që punëdhënësit i kanë bërë gjatë periudhës që ajo punonte në këtë firmë.
Drejtuesit e Citigroup mendonin se paraqitja e bukuroshes në punë, shkaktonte ngadalësim të ritmit, sidomos tek meshkujt. Ndërkohë, Debrahlee mund të pretendojë një dëmshpërblim, por nëse gjykatësit vërtetojnë se ajo u shkarkua për shkak të formave trupore, shifra do të shtohej me shumë zero nga pas.
Top Channel
