Gjykata e Larte liron trafikantin e droges
14/07/2009 17:50
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Gjykata e Larte ka liruar nga burgu nje person qe u arrestua pas nje operacioni ku u sekuestruan 40 kilograme heroine.
Dy muaj dhe 2 jave, kaq ka qendruar ne qeli fieraku Zaim Tafa, i arrestuar ne fillim te majit per implikimin e tij ne trafikimin e 40 kilogrameve heroine.
Vendimi i Gjykates se Larte, i cili ka ardhur si rrufe ne qiell te hapur per Prokurorine e Krimeve te Renda, pritet te shkaktoje debate mes dy institucioneve, pasi lirimi i fierakut eshte pritur jo pa habi nga prokuroret.
Por Gjykata e Larte nuk e ka arsyetuar vendimin se pse duhej liruar Zaim Tafa, pronar i nje lokali te njohur ne Fier, duke e lene organin e akuzes ne pritje.
Arrestimi i Tafes u krye pas hetimeve disa mujore dhe prokuroret kembengulin se kane prova per perfshirjen e tij ne kete ceshtje, mes te cilave edhe filmime ku ndiqet itinerari qe pershkoi heroina deri ne piken e kalimit kufitar te Kakavijes.
Pikerisht ketu polcia kapi fillimisht, duke tentuar per te kaluar ne Greqi me 80 pako heroine, ciftin gjerman Franc e Rexhina Kiacsek.
Nderkohe qe bashkekombasi i tyre Daniel Englert u kap ne Rinas, ndersa dy fieraket Zaim Tafa e Alban Pellmbaj duke pire kafe ne lokalin e tyre ne Fier.
Saisa e heroines eshte ngarkesa me e madhe e ketij lloji droge e kapur ndonjehere ne Shqiperi, nderkohe qe pas ketij vendimi te gjykates pritet qe te hapet drita jeshile edhe per te implikuarit e tjere.
Top Channel
