Sindikata: Pensionet u rriten vetem 3 per qind

24/06/2009 08:25

Rritja reale e pensioneve gjate ketyre kater viteve ka qene vetem ne masen 3 per qind. Deklaraten e ka dhene dje kreu i Sindikates se Pensionisteve, Isa Gorica, i cili perveçse eshte pjese e Konfederates se Sindikatave, eshte edhe ish-profesor i Fakultetit te Ekonomise.

Deklarata te tilla kane ardhur vetem disa dite para zgjedhjeve pasi, pensionistet kerkojne qe forcat politike edhe nje here para procesit zgjedhor te japin fjalen per te mbeshtetur dhe perkrahur propozimet e tyre, lidhur me kerkesat e moshes se trete. Sipas perllogaritjes se sindikates, pensionistet deklarojne se rritja e pensioneve perkthehet realisht ne vetem 3 per qind.

Mosha e trete nepermjet ankesave apo sugjerimeve prane “sektorit” te tyre deklarojne se rritja e pensioneve nuk eshte 70 deri ne 100 per qind, siç pretendon qeveria, pasi perballe rritjes se çmimeve te mallrave te konsumit, ajo perkthehet realisht ne vetem 3 per qind.

Eshte ulur fuqia blerese, nderkohe qe jane rritur çmimet dhe vlera reale e rritjes se pensioneve eshte vetem ne masen 3 per qind. Gjate kesaj kohe ka pasur perpjekje per ngushtimin e diferencave mes pensionit te fshatit dhe atij te qytetit, por kriza dhe rritja e çmimeve kane ndikuar ne rritje te konsumit te mallrave dhe produkteve ushqimore, tipike per shtresen e varfer, e cila te gjitha parate qe ka i shpenzon kryesisht dhe vetem per ushqime.

Po ashtu, Sindikata e Pensionisteve eshte e bezdisur nga disa spote apo reklama promocionale enkas per fushaten zgjedhore, te cilat reklamojne rritje te madhe dhe dyfishim te pensioneve.

Top Channel