Premiera e dokumentarit “Williams”
12/07/2017 00:00
Aston Villa me sytë nga Serie A, synon argjentinasin e Juventusit 05/05 00:02
Në Londër u shfaq premiera e filmit dokumentar “Williams”, dedikuar pikërisht skuderisë britanike të Formulës 1. Të pranishëm në momentin e shfaqjes së këtij filmi ishin shefja e kësaj skuderie, Claire Williams, regjisori Morgan Mattheës, pilotët aktualë të Williams, Felipe Massa e Lance Stroll, si dhe finlandezi Valtteri Bottas, i cili këtë sezon kaloi te Mercedesi.
Ky dokumentar hedh dritë mbi historinë e kësaj skuderie të Formulës 1, duke u fokusuar kryesisht te Sir Frank Williams, biznesmen britanik dhe njëkohësisht ish-pilot i Formulës 1. Frank Williams ishte ai që krijoi këtë skuadër, me të cilën ka mundur të fitojë 9 tituj kampionë për konstruktorë në 40 vitet e fundit.
Në dokumentar u shfaqën edhe momentet e vështira, siç ishte aksidenti i pësuar nga Sir Frank Williams në përplasjen me Ayrton Sennën, në vitin 1986, një incident që e la britanikun të paralizuar. Dokumentari “Williams” i regjisorit Morgan Mattheës do të shfaqet në sallat e kinemasë britanike, duke nisur nga data 4 gusht.
Top Channel
