Luan kombëtarja, kirurgët festojnë në sallën e operacionit!
29/06/2017 00:00
Zhbllokohet Real Sociedad-Real Madrid, Guler i jep avantazhin skuadrës së Ancelotti-t 26/04 22:18
Kur luan kombëtarja gjithçka ndalet. Madje në Kili kirurgët ndërpresin edhe operacionin për të ndjekur momentin vendimtar për kombëtaren e tyre.
Një video me të vërtetë e veçantë është shpërndarë në rrjetet sociale. Kombëtarja e Kilit mposhti me penallti Portugalinë një natë më parë duke siguruar finalen e Kupës së Konfederatave dhe ky moment historik i kombëtares nga Amerika Latine nuk mund të humbej as nga kirurgët që ishin në operacion.
Ishte momenti vendimtar i 11-metarshave dhe kirurgu nis festën me bisturi në dorë pasi Moutinho humbet edhe penalltinë e dytë për Portugalinë.
Urojmë që të ketë shkuar mirë edhe ndërhyrja kirurgjikale!
Top Channel
