Napoli mposht Romën në “Olimpico”, vendos Mertens
04/03/2017 00:00
Dy gola të belgut Mertens i kanë dhënë një fitore mjaft të rëndësishme Napolit në “Olimpico” përballë një kundërshtari direkt si Roma.
Belgu shënoi një gol të bukur në minutën e 26 pas një asisti nga kapiteni Hamsik, ndërsa dyfishoi rezultatin 5 minuta pas nisjes së pjesës së dytë.
Roma e shkurtoi diferencën me Strootman në të 89-tën, por ishte shumë vonë për të shënuar edhe golin e barazimit.
Sarri në këtë ndeshje riktheu në formacion edhe Elseid Hysaj, i cili mungoi në ndeshjen e Kupës së Italisë ndaj Juventusit.
Një fitore me mjaft vlera për Napolin, duke qenë se tashmë e ka ngushtuar diferencën vetëm në 2 pikë nga verdhekuqtë.
Top Channel