Bashkia rikonstrukton rrugët e lagjes Shirt në Pezë Helmës
23/01/2017 00:00
Fluksi i lartë i turistëve, në Vaun e Dejës prenotime që prej muajit Mars! Vizitorët: Gjithçka është ndryshe nga sa jemi mësuar të shohim
04/05 15:12
Bashkia e Tiranës ka nisur punnë për rikonstruksionin e të gjitha rrugëve të lagjeve Shirt- Pezë Helmës. Kreu i bashkisë Erion Veliaj theksoi se investimi vjen në ndihmë të banorëve, që gjatë dimrit përballeshin me baltën e pakalueshme, dhe gjatë verës me pluhurin e madh.
“Sot është një ditë e mirë për komunitetin, fillon një unazë e cila kthen në rrugë një baltovinë 1.2 km, e cila në kohë shirash dhe ngricash ishte totalisht e pakalueshme, sidomos për fëmijët që shkojnë në shkollë dhe për ata që duhet të çojnë produktet e tyre ushqimore për t’i shitur në qytet”, tha Veliaj.
Ai shtoi se kjo rrugë në formën e një unaze do t’i shërbejë afro 4500 banorëve të lagjeve përreth, jo vetëm për të lëvizur me lirshëm, por edhe për të afruar produktet bujqësore dhe blegtorale me tregun.
“Që njerëzit të vazhdojnë të jetojnë në zonat rurale, do të thotë se duhet të kenë edhe infrastrukturë, shërbimet e nevojshme, ndaj besoj se krijimi i kësaj unaze e cila u shërben 4500 banorëve në fshatin më të madh të njësisë Pezë,është përgjigja jonë konkrete se si dikush jo vetëm të jetojë në fshat, por t’i ketë shërbimet në fshat falë një rrugë më të mirë”, theksoi Veliaj.
Veliaj tha se 2017 do jetë viti i investimeve në fshat, ndaj dhe ka kërkuar mirëkuptimin e banorëve të këtyre zonave për vështirësitë që do hasin gjatë hapjes së këtyre kantiereve të punës.
Top Channel
