Rusi 2018, përfundon pas 8 vitesh “Zenit Arena”
30/12/2016 00:00
Aston Villa me sytë nga Serie A, synon argjentinasin e Juventusit 05/05 00:02
Pas 8 vite punimesh dhe afatesh të shtyra për shkak të skandaleve korruptive dhe abuzimeve, më në fund “Zenit Arena” iu dorëzua autoriteteve ruse në kohë, për Botërorin e futbollit në Rusi në vitin 2018.
Impianti mbresëlënës është deklaruar zyrtarisht i përfunduar. Ai është i tëri i mbuluar dhe ka gjithashtu edhe një fushë të lëvizshme.
Arena e re në qytetin e Shën Pjetërburgut u kthye në një telenovelë me planet e saj të ndërtimit, aq sa edhe kryeministri Dimitri Medvedev e cilësoi katastrofike shtyrjen ekstreme prej thuajse një dekadë. Kostoja përfundimtare e impiantit në Rusi duhet ende të vlerësohet, por sipas medieve sportive llogaritet në 600 milionë dollarë, çmim që arriti në këtë nivel pas shtyrjeve dhe korrupsionit.
Guvernatori i Shën Pjetërburgut tha se duhet ende të bëhen disa ndërhyrje për të arrritur normat e FIFA-s. Impianti, që dikur njihej me emrin “Krestovsky”, është kthyer në një prej stadiumeve më moderne në botë. Ai ka një kapacitet prej 68 mijë vendesh dhe do të presë ndeshjet e fazës finale të Botërorit 2018.
Top Channel
