Liverpool bën hap fals, barazon me West Ham
11/12/2016 00:00
Thomas Brdaric rimerr drejtimin e Vllaznisë, shkodranët synojnë titullin kampion pas 23 vitesh 26/04 13:48
Liverpool bën një hap fals në luftën për titull pas barazimit 2-2 ndaj West Ham në “Anfield” të dielën pasdite. Të kuqtë kaluan shumë shpejtë në epërsi kur Adam Lallana shënoi në minutën e 5.
Por, një ekzekutim i jashtëzakonshëm i goditjes së dënimit nga 25 metra nga Dimitri Payet solli barazimin. West Ham përmbysi gjithçka para pushimit të pjesës së parë kur Michail Antonio realizoi për 2-1.
Divock Origi barazoi për vendasit menjëherë pas fillimit të pjesës së dytë, kur shfrytëzoi një krosim nga Mane. Pavarësisht dominimit të Liverpool, skuadra e Klopp nuk arriti të marrë tre pikë të reja.
Ky rezultat i mban të kuqtë në vendin e tretë në klasifikim e 6 pikë më pak se lideri Chelsea dhe 3 më pak se Arsenali i vendit të dytë.
Top Channel
