Milani në Romë pa Bonaventurën dhe Bakën
11/12/2016 00:00
Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Milani do të luajë nesër në Romë pa dy nga lojtarët kryesorë: Xhakomo Bonaventurën dhe Karlos Bakën.
Është vetë trajneri Vinçenco Montela ai që njoftoi për mungesën e mesfushorit italian dhe sulmuesit kolumbian në sfidën që do të luhet në kryeqytetin italian, mbrëmjen e së hënës.
“Kemi vendosur që të mos rrezikojmë Bonaventurën dhe Bakën. Shpresojmë që t’i rekuperojmë për ndeshjen e ardhshme”, deklaroi trajneri i kuqezinjve, të cilët renditen në vendin e dytë të Serisë A, me pikë të barabarta me Romën.
Për Montelën, Milani duhet të luajë pa mendime në kokë këtë sfidë: “Nuk duhet të stresohemi. E meritojmë vendin në klasifikim dhe duhet ta shijojmë momentin që po kalojmë. E rëndësishme është që të mos fiksohemi pas renditjes, pasi kështu do të kemi më shumë mundësi që të fitojmë. Do të jetë e vështirë për ne pasi Roma në shtëpi i ka fituar të gjitha ndeshjet”.
Top Channel
