Derbi i “Madonnina”-s, Icardi-t i mungon goli ndaj Milanit
15/11/2016 00:00
Aston Villa me sytë nga Serie A, synon argjentinasin e Juventusit 05/05 00:02
Shënimi i njw goli ndaj Milanit në derbin e “Madonnina”-s do të jetë sfida e madhe e Mauro Icardit. Skuadra kuqezi është e vetmja në Serinë A, të cilët sulmuesi argjentinas nuk ka mundur dot t’i shënojë asnjëherë duke u kthyer në një tabu që zgjat që nga momenti që ai mbërriti në Itali.
Deri tani Icardi ka qenë në fushë kundër Milanit në 7 ndeshje, por në asnjë prej tyre nuk ka qenë në gjendje që të gjejë golin ndaj kuqezinjve. Në total, Icardi ka luajtur 475 minuta ndaj Milanit, 90 me fanelën e Sampdorias dhe 385 minuta me fanelën e Interit duke mos e gjetur asnjëherë mënyrën për të çuar topin në rrjetën e kuqezinjve.
Këtë të diel ai do të kërkojë të ndërpresë këtë thatësirë goli ndaj Milanit edhe për një arsye tjetër. Sulmuesi dëshiron të fshijë nga kujtesa humbjen 3-0 në derbin e fundit në 31 janar ku Icardi humbi edhe një 11 metërsh që do të barazonte shifrat në 1-1.
Top Channel
