Vjen Dervishaj, ikën Dervishi; ndryshon kreu i AKBN-së
02/09/2016 00:00
Pas Edmond Haxhinastos, një tjetër zyrtar i lartë nga radhët e Lëvizjes Socialiste për Integrim është larguar nga posti.
Dael Dervishi, drejtori i përgjithshëm i Agjencisë Kombëtare të Burimeve Natyrore ka paraqitur dorëheqjen nga detyra për motive personale.
I kontaktuar nga Top Channel, Dervishi deklaroi se motivi i dorëheqjes së tij është largimi për një program kërkimor dhe shkencor në Shtetet e Bashkuara të Amerikës me fokus legjislacionin e naftës në vendet e Ballkanit.
Dervishi ka drejtuar AKBN që prej tetorit të vitit 2013, ndërsa më parë ka mbajtur postin e drejtorit juridik në këtë institucion.
Top Channel