Manchester United, pranë marrëveshjes për transferimin e Gundogan
25/04/2015 00:00
Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Manchester United është pranë arritjes së një marrëveshjeje me Borussia Dortmund për transferimin e mesfushorit Ilkay Gundogan për një shumë prej rreth 21.5 milionë paund, – shkruajnë mediat angleze.
Kontrata e 24-vjeçarit me Dortmundin përfundon në vitin 2016 dhe gjermanëve, nëse nuk kanë ndërmend të rinovojnë, çka duket e tejet e vështirë, u duhet ta shesin në merkaton e verës, pasi në fund të sezonit të ardhshëm ai do të jetë një lojtar i lirë.
Për mesfushorin janë interesuar edhe Manchester City dhe Arsenal, por tashmë ai duket më afër se kurrë me United.
Gundogan e filloi karrierën e tij me Bochum, më pas kaloi te Nurembergu, ndërsa në maj të 2011-s nënshkroi me Dortmundin, me të cilin arriti deri në finale të Champions League në sezonin 2012-2013. Ai shënoi edhe një gol nga pika e penalltisë në finalen që u fitua 2-1 nga Bajerni.
Top Channel
