Arvizu takon Ramën dhe Metën

Pas këtij takimi Arvizu u shpreh: “Zhvilluam një diskutim të mirë. Dy gjërat më të rëndësishme për të cilat diskutuam ishin, e para të kemi një tranzicion të butë dhe të rregullt dhe e dyta të ripohojmë angazhimin e fortë të SHBA-së. SHBA është partnere e Shqipërisë”.

Ambasadori u takua me vone edhe me kreun e Lëvizjes Socialiste për Integrim Ilir Meta, ku percolli te njejtat mesazhe.

“Në këtë takim ripohuam angazhimin e SHBA-ve për të ardhmen integruese të Shqipërisë. Presim një tranzicion të qetë dhe të butë dhe pres me kënaqësi të bashkëpunoj me Metën dhe anëtarët e tjerë të koalicionit qeverisës”, tha Arvizu.

Nga ana e tij, kreu i LSI-së Meta theksoi se kishte shprehur angazhimin e kësaj force politike për përmbushje të detyrimeve të saj dhe krijimin e konsensusit të gjerë për reformat.

“Do të adresojmë problemet e përgjithshme që kanë qytetarët tanë. Besojmë në mbështetjen e SHBA-ve për këtë perspektivë të re të Shqipërisë”, u shpreh Meta.

Koalicioni i majtë Aleanca për Shqipërinë Europiane, parti kryesore të të cilit janë PS dhe LSI dolën fituese në zgjedhjet e 23 qershorit dhe do të jenë forcat kryesore në ndërtimin e qeverisë së re, që do ta udhëheqë vendin në katër vitet e ardhshme.

SHBA: Sa më parë çertifikimi i rezultatit

Ambasada e Shteteve të Bashkuara në Tiranë, nëpërmjet një deklarate për median mbrëmjen e së mërkurës ka përgëzuar qytetarët e Shqipërisë, të cilët morën pjesë masivisht në zgjedhjet kombëtare të 23 qershorit 2013, për të riafirmuar përkushtimin e tyre ndaj të ardhmes demokratike të Shqipërisë.

“Me përfundimin së afërmi të numërimit, nxisim institucionet zgjedhore të çertifikojnë me shpejtësi zgjedhjet dhe të konfirmojnë vullnetin e popullit shqiptar”, theksohet ne deklratë.

Pas formimit të një qeverie të re, vijon deklarata, nxisim udhëheqësit dhe zyrtarët shqiptarë që të riangazhohen ndaj procesit të integrimit europian dhe reformave të tjera që nevojiten.

Top Channel