“Meta dhe Kryemadhi mund të arrestohen në çdo çast”, Artan Hoxha: SPAK ka tentuar disa herë për ta bërë bashkëpunëtor… 26/04 20:35
Biznesmeni Astrit Veliaj do të marrë mandatin e deputetit të Partise Demokratike ne Berat, pas tre dorëheqjesh. I pari u largua Eduard Halimi, kurse dy gra në listën e kandidatëve u tërhoqën në të njëjtën ditë. Ky rast të kujton atë të Lezhës në legjislaturën e kaluar, ku dy gra socialiste u larguan që deputet të bëhej Arben Noka. Por për Lulzim Bashën këto dy raste nuk kanë ngjashmëri. Megjithatë largimet e grave për t’i hapur rrugën një të forti apo një biznesmeni shtojnë dyshimet për blerje mandatesh.
Tërheqja e Juvina Janit dhe Monika Qoses nga e drejta që u njeh ligji për të marrë mandatin e deputetit të partisë demokratike në Berat, duke i hapur rrugën biznesmenit Astrit Veliaj, riktheu në vëmendje rastin e Lezhës në legjislaturën e shkuar.
Edhe atëhere gratë socialiste u spostuan për t’i hapur rrugë Arben Ndokës që të bëhej deputet. Gratë e listës socialiste deklaruan se me vullnetin e tyre të lirë dhe për arsyet personale nuk e pranonin mandatin e deputetit. Por në atë kohë Lulzim Basha nuk besonte se ato kishin vepruar me vullnet të lirë.
“Katër gra socialiste u detyruan të japin dorëheqje nga mandati i deputetit, nën kërcënimin e dhunës më të egër që ka miratimin e bekimin e Edi Ramës. Kjo është një ditë e zezë për Kuvendin e Shqipërisë”, u shpreh Lulzim Basha më 23 janar 2014.
Sot që e njëjta situatë ndodh në listën e demokratëve, Lulzim Basha refuzon ngjashmëritë.
“Sepse Arben Ndoka është një person i dënuar për prostitucion, ndërsa në këtë rast nuk kemi asnjë pretendim për kriminalitet nga asnjë kandidat, kushdo qoftë deputeti i ardhshëm”, u shpreh Basha një ditë më parë.
I akuzuar vazhdimisht nga demokratët, Arben Ndoka u largua pa filluar zbatimi i ligjit të dekriminalizimit. Për Astrit Veliajn askush nuk ka formuluar akuza të çfarëdolloji. Ai është biznesmen, që njësoj Arben Ndoka, po respekton formalisht Kodin Zgjedhor.
Top Channel
