Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Takimi i dytë i Këshillit të Stabilizim-Asociimit ndërmjet Kosovës dhe Bashkimit Europian përfundoi të premten në Bruksel, me anulimin e një konference të përbashkët për gazetarët dhe me një komunikatë, në të cilën bëhet thirrje për zbatimin pa vonesë të marrëveshjeve të arritura në bisedimet për normalizimin e marrëdhënieve ndërmjet Kosovës dhe Serbisë.
Në një deklaratë të zyrës së shefes së Politikës së Jashtme të Bashkimit Europian, Federica Mogherini, thuhet se “Këshilli rikujtoi se Marrëveshja e Stabilizim-Asociimit është në thelb të marrëdhënieve ndërmjet Bashkimit Europian dhe Kosovës. Ai siguron kuadrin kontraktual brenda të cilit BE-ja dhe Kosova do të intensifikojnë bashkëpunimin e tyre dhe do të vlerësojnë zhvillimet në marrëdhëniet e tyre”.
Zyrtarët e BE-së thanë se, një konferencë e përbashkët me gazetarët në fund të takimit u anulua për shkak të axhendës, por burime brenda BE-së thanë se konferenca u anulua për shkak të disa mospajtimeve që u shfaqën gjatë takimit, por pa dhënë hollësi se për çfarë behët fjalë.
Top Channel
