Arvizu: Palët, përpjekje për një president konsensual
04/06/2012 00:00
“Është një dështim”, Braçe për sulmet e Metës ndaj SPAK: Cënon integritetin e institucioneve, ka përfunduar në luftëtar kundër interesave pro perëndimore 26/04 08:32
Ambasadori amerikan Aleksandër Arvizu vlerëson përpjekjet e të dy palëve për zgjedhjen e një presidenti konsensual.
“Kam ndjekur me shumë vëmendje deklaratat e kryeministrit Sali Berisha dhe kryetarit të PS-së, Edi Rama pas takimit të zhvilluar të dielën në mbrëmje. Ajo që ata kanë thënë është përforcim i asaj që SHBA kishte thënë”, tha Arvizu për mediat.
Ambasadori Arvizu u shpreh se Rama dhe Partia Socialiste meritojnë vlerësimin se nuk kërkojnë domosdoshmërisht një person që i përket së majtës, e po ashtu vlerësim, sipas ambasadorit, meriton edhe PD dhe Kryeministri Berisha, që e kanë bërë të qartë në përpjekjet e tyre propozimin e një kandidati që nuk përfaqëson interesat e ngushta të partisë.
Ambasadori zhvilloi nje takim me Kryeministrin Sali Berisha, qe zgjati rreth 40 minuta. Ende nuk ka nje njoftim zyrtar rreth bisedes mes Berishes dhe Arvizut.
Top Channel
