Champions League rikthehet këtë të martë me një mbrëmje të mbushur me përballje të forta dhe emra të mëdhenj të futbollit europian.
Vëmendja kryesore shkon te dueli mes Atlético Madridit dhe Manchester United, si dhe te sfida Galatasaray-Barcelona, ndërsa në fushë zbresin edhe Interi dhe Bayern Munich.
Një nga sfidat më tërheqëse pritet të jetë ajo mes Atlético Madridit dhe Manchester United, ku dy skuadra me traditë në arenën europiane do të kërkojnë një rezultat pozitiv. Përballja premton rivalitet dhe intensitet, me të dyja ekipet që synojnë të marrin pikë të rëndësishme në këtë fazë të kompeticionit.
Interes të madh zgjon edhe dueli Galatasaray-Barcelona. Skuadra turke do të kërkojë të shfrytëzojë avantazhin e fushës dhe atmosferën e zjarrtë në Stamboll, ndërsa katalanasit synojnë të konfirmojnë ambiciet e tyre europiane.
Në të njëjtën orë, Interi pret Club Brugge, në një tjetër test të rëndësishëm për zikaltërit, ndërsa Bayern Munich udhëton në Norvegji për t’u përballur me Vikingun.
Në program është edhe sfida Arsenal-Lille, krahas përballjeve të tjera që plotësojnë një mbrëmje të ngjeshur futbolli.
Ndeshjet:
18:45 Lens – Sporting CP
18:45 Sabah – Slavia Prague
21:00 Atlético Madrid – Manchester United
21:00 Galatasaray – Barcelona
21:00 Inter – Club Brugge
21:00 Viking – Bayern Munich
21:00 Arsenal – Lille
21:00 RB Leipzig – PSV Eindhoven
21:00 Villarreal – Napoli
Top Channel
