BE vijon përpjekjet për zgjerim, presidenti i KE Antonio Costa njofton hapjen e dy kapitujve të negociatave me Ukrainën dhe Moldavinë

“E mirëpres vendimin e marrë sot nga shtetet anëtare të BE-së për të hapur dy kapituj të rinj negociatash me Ukrainën dhe Moldavinë. Presim me padurim hapjen e të gjithë të tjerëve sa më shpejt të jetë e mundur”, shkroi ai në një postim në X.

I welcome today’s decision by EU Member States to open two further negotiation clusters with Ukraine and Moldova. We look forward to opening all remaining clusters as soon as possible.

I also welcome the decision to close three additional negotiating chapters with Montenegro and one with Albania.

EU enlargement continues to advance, driven by reforms in candidate countries and the EU’s strong commitment.

Your future lies in the EU. Let’s keep up the momentum!

— António Costa (@eucopresident) October 12, 2026

27 vendet ranë dakord të hapin dy kapituj të rinj negociatash me Moldavinë, pranimi i së cilës në BE është i lidhur me atë të Ukrainës.

Miratimi, më herët sot, nga Parlamenti ukrainas i ligjit mbi të drejtat e pakicave në arsim dhe gjuhë, një reformë e kërkuar nga Hungaria, lejoi që ky hap i ri të hidhet në rrugën drejt pranimit të Ukrainës në BE.

Tre kapituj të tjerë negociatash pritet të mbyllen gjithashtu të martën me Malin e Zi, i cili aspiron të bashkohet me BE-në në vitin 2028 së bashku me Shqipërinë.

Vendet kandidate, përfshirë Ukrainën, kanë ende një rrugë të gjatë për të bërë përpara se të arrijnë “acquis communautaire”, pra të miratojnë rregullat e BE-së për gjithçka, nga mjedisi dhe bujqësia deri te tregu i brendshëm.

Në total, secila prej tyre do të duhet të përfundojë të paktën 35 kapituj negociues përpara se blloku prej 27 anëtarësh të vendosë unanimisht për pranimin e tyre dhe ta ratifikojë atë në secilin shtet anëtar, qoftë nga parlamenti i tij ose në një referendum.

Top Channel