Sa shpesh gënjehet gjatë një bisede? Studim jep përgjigjen befasuese
06/10/2026 11:48
A kanë njerëzit më kreativë tavolina më të çrregullta? 05/10 15:05
Skema e ngjyrave
Madhësia e shkrimit
Sipas një studimi të Universitetit të Massachusetts, 60% e pjesëmarrësve gënjyen të paktën një herë gjatë një bisede 10-minutëshe. Ata që gënjyen, thanë mesatarisht dy deri në tre gënjeshtra gjatë kësaj bisede të shkurtër. Disa prej pjesëmarrësve as nuk e kuptuan se sa herë kishin gënjyer, derisa studiuesit ua dëgjuan përsëri regjistrimin e bisedës.
Gënjeshtra nuk është gjithmonë e planifikuar; ndonjëherë, ajo mund të thuhet edhe papritur në moment. Një gënjeshtër e vogël këtu, një e vërtetë e ekzagjeruar atje ndodh gjithmonë. Në fillim, mund të jetë e sikletshme, madje edhe e gabuar, por me kalimin e kohës ajo ndjenjë shqetësimi fillon të zbehet kur dikush vazhdon të gënjejë, pra për të bëhet akoma dhe më e lehtë. Por pse ndodh kjo? Pse disa njerëz vazhdojnë të gënjejnë, edhe kur kjo dëmton marrëdhëniet e tyre ose reputacionin e tyre?
E vërteta është se gënjeshtarët nuk janë gjithmonë dashakeqës. Disa gënjejnë për të shmangur konfliktin, për të mbrojtur imazhin e tyre ose për t’i shpëtuar përgjegjësisë. Të tjerë gënjejnë sepse janë të pasigurt ose kanë frikë nga refuzimi. Dhe për disa, gënjeshtra duket si e vetmja mënyrë për të mbijetuar. Duke kuptuar pse gënjeshtarët vazhdojnë të gënjejnë, ne mund ta thyejmë atë ciklin dhe të ndërtojmë lidhje më të forta dhe më autentike në këtë proces./ TAR
Top Channel
