Si duken festivalet e së ardhmes? Krist Martiro ndan përvojën nga ZAMNA Madrid

Muzika elektronike ishte në qendër të mbrëmjes, por përvoja shtrihej përtej skenës. Në ZAMNA Madrid, programi artistik, skenografia dhe hapësira e festivalit bashkuan publikun në një event ku atmosfera krijohej po aq nga artistët, sa edhe nga prania e publikut pjesëmarrës.

Më 11 shtator, në Universidad Autónoma de Madrid, Black Coffee kryesoi programin, krahas AMÉMÉ, Argia, Avangart Tabldot dhe Pablo Fierro. Ndalesa madrilene solli konceptin e ZAMNA-s, me origjinë në Tulum, ku muzika elektronike ndërthuret me skenografinë dhe elementet e natyrës për të krijuar një përvojë të përbashkët.

Mes pjesëmarrësve kishte dhe një sërë personazhesh të showbizit shqiptar, ndër ta ishte edhe moderatori dhe deejay Krist Martiro. Në një reel të ndarë me ndjekësit në Instagram, ai rrëfeu përvojën nga festivali: muzikën, atmosferën dhe pjesëmarrjen. Por krahas emocioneve të mbrëmjes, Kristi u ndal edhe te mënyra si mendohen dhe organizohen këto aktivitete.

Në reflektimin e tij mbi një festival “të përgjegjshëm”, ai përmendi qasjen ambientale në reduktimin e plastikës, përdorimin efikas të energjisë dhe transportin e qëndrueshëm. Ishte një ftesë për të shqyrtuar edhe vendimmarrjen pas një eventi festiv: si përdoren burimet, transporti i aksesueshëm dhe impakti ambiental që këto aktivitete kanë pas përfundimit, në hapësirat ku realizohen.

Shiko videon duke klikuar KËTU.

Kristi e lidhi këtë bisedë edhe me konceptin “smoke-free”, pjesë e bashkëpunimit IQOS x ZAMNA.

“Edhe një kulturë smoke-free mund të ndikojë në një ambient më të pastër, me më pak mbetje dhe bishta cigaresh në tokë,” u shpreh ai.

Për Kristin, diskutimi për përgjegjësinë përfshin edhe partnerët që marrin pjesë në realizimin e festivalit.

“Dhe këtu hyjnë dhe brandet e mëdha; jo thjesht si sponsor, por si partnerë që ndikojnë mënyrën si organizohen aktivitetet,” tha ai, përpara se ta përmblidhte reflektimin me një pyetje mbi suksesin afatgjatë të këtyre eventeve: “E ardhmja e eventeve nuk është vetëm sa njerëz mund të mbledhësh, është edhe çfarë lë pas.”

Për kontributin e partnerëve foli edhe Alina Igritskaya, drejtuese e marketingut të markës për produktet me ngrohje të duhanit në Philip Morris International, gjatë intervistës në kuadër të eventit mediatik në Madrid.

“Bashkëpunimet më të fuqishme janë ato që ndërtohen mbi vlera të përbashkëta,” u shpreh ajo.

Duke shpjeguar lidhjen me ZAMNA-n, Alina veçoi ndërthurjen e natyrës, muzikës elektronike dhe skenografisë. Sipas saj, partnerët duhet të kontribuojnë së bashku në krijimin e përvojës dhe të përcaktojnë qartë çfarë i sjellin publikut të rritur. Ajo e lidhi këtë qasje me rolin që muzika, arti dhe dizajni kanë në komunikimin e kompanisë.

ZAMNA Madrid solli një mbrëmje muzike dhe takimesh, por edhe një diskutim që vazhdon pasi skena fiket. Si do të duken festivalet e së ardhmes? Përveç programit artistik dhe atmosferës, përgjigjja do të varet edhe nga vendimet konkrete për transportin, energjinë dhe mbetjet. Janë këto zgjedhje dhe rezultatet e tyre që i japin përmbajtje idesë së një festivali të përgjegjshëm.

Top Channel