Dy raste të dyshuara të kontrabandës së mishit dhe peshkut janë konstatuar nga Policia Kufitare gjatë kontrolleve në pikën kufitare të Kakavijës.
Në dy autobusë të linjave ndërkombëtare, uniformat blu gjetën dhe sekuestruan rreth 768 kilogramë produkte, ndërsa njëri prej drejtuesve u arrestua në flagrancë dhe tjetri do të ndiqet në gjendje të lirë.
Njoftimi i policisë:
Dy raste të dyshuara të kontrabandës së mishit dhe peshkut janë konstatuar nga Policia Kufitare gjatë kontrolleve në pikën kufitare të Kakavijës. Në dy autobusë të linjave ndërkombëtare, uniformat blu gjetën dhe sekuestruan rreth 768 kilogramë produkte, ndërsa njëri prej drejtuesve u arrestua në flagrancë dhe tjetri do të ndiqet në gjendje të lirë.
Gjatë kontrolleve të ushtruara në dy autobusë të linjave ndërkombëtare në Kakavijë, uniformat blu zbuluan sasi të konsiderueshme mishi dhe peshku, të cilat dyshohet se ishin futur kontrabandë në territorin shqiptar.
Në rastin e parë, gjatë kontrollit të autobusit të linjës Athinë-Gjirokastër, me drejtues shtetasin A.B., 54 vjeç, banues në Gjirokastër, u gjetën dhe u sekuestruan 685 kilogramë mish viçi, të prerë në formë bërxollash. Për këtë rast, drejtuesi i autobusit u arrestua në flagrancë dhe ndaj tij u referuan veprimet për veprën penale “Kontrabanda me mallra të tjerë”, parashikuar nga neni 174 i Kodit Penal.
Ndërkohë, rasti i dytë u evidentua gjatë kontrollit të autobusit të linjës Athinë-Shkodër, me drejtues shtetasin D.M., 46 vjeç, banues në Elbasan.
Në këtë autobus u gjetën katër kuti kartoni, brenda të cilave kishte një sasi prej 82 kilogramësh e 900 gramësh peshk, e cila dyshohet se ishte futur kontrabandë në territorin shqiptar. Në lidhje me këtë rast, u kryen veprimet hetimore në ngarkim të shtetasit D.M., për veprën penale “Kontrabanda me mallra të tjerë”. Ai do të ndiqet në gjendje të lirë.
Sasitë e mishit dhe peshkut u sekuestruan në cilësinë e provës materiale, ndërsa materialet procedurale i janë referuar organeve kompetente për vijimin e hetimeve.
Top Channel
