“Mjaft me spekulimet!”/ DJ PM mohon romancën e re, por nuk thotë asgjë për ndarjen me Sarah Berisha

Dyshimet për një krisje mes çiftit u shtuan pasi ata hoqën njëri-tjetrin nga Instagrami, duke nxitur zërat se lidhja e tyre mund të ketë përfunduar pas disa vitesh.

Në të njëjtën kohë, në rrjetet sociale nisën të qarkullonin pretendime se DJ PM kishte nisur një romancë të re me prezantuesen Almedina Ismajli.

Përballë këtyre zërave, artisti vendosi të reagojë publikisht përmes InstaStory, duke mohuar pretendimet për një lidhje të re.

DJ PM kërkoi që informacionet rreth jetës së tij private të mos paraqiten si fakte pa u verifikuar më parë. Ai theksoi se publikimi i pretendimeve të tilla mund të dëmtojë imazhin dhe reputacionin e tij, ndërsa paralajmëroi edhe masa ligjore nëse spekulimet vazhdojnë.

Megjithatë, reagimi i tij u fokusua te mohimi i zërave për një romancë me Almedina Ismajlin dhe nuk përbën një konfirmim apo mohim të drejtpërdrejtë të ndarjes nga Sarah Berisha.

Kështu, ndërsa thashethemet për marrëdhënien e tij vazhdojnë të qarkullojnë në mediat rozë, DJ PM ka bërë të qartë se nuk dëshiron që spekulimet për jetën e tij private të trajtohen si fakte./ TAR

Top Channel