Milani nuk e mbyll merkaton, kuqezinjtë kërkojnë rikthimin e yllit të Realit dhe mesfushorin e Liverpool

Sipas raportimeve të Corriere dello Sport, Milani po vlerëson disa talente me potencial të madh, të cilët mund të jenë gati për nivelet më të larta të futbollit. Ideja e klubit është të investojë te lojtarë që mund të blihen përfundimisht, pa përjashtuar mundësitë që mund të shfaqen në ditët e fundit të merkatos.

Në listën e dëshirave të Amorimit janë edhe dy emra të njohur: Brahim Diaz i Real Madridit dhe Harvey Elliott i Liverpoolit.

Brahim Diaz nuk është një emër i panjohur për Milanin. Mesfushori spanjoll ka luajtur për tre sezone me fanellën kuqezi, duke qenë pjesë e skuadrës që fitoi titullin kampion të Serie A në vitin 2022.

Lojtari i Real Madridit vlerësohet për aftësinë teknike, kreativitetin dhe fleksibilitetin në repartin ofensiv, ndërsa mund të jetë një alternativë interesante për skemat e Amorimit.

Në të njëjtën kohë, Milani po monitoron edhe Harvey Elliott. Talenti anglez i Liverpoolit është një lojtar me profil teknik, i aftë të organizojë lojën dhe të luajë në krahun e djathtë, një rol që kuqezinjtë po kërkojnë ta përforcojnë.

Drejtuesit e Milanit po analizojnë me kujdes tregun, ndërsa objektivi mbetet afrimi i lojtarëve me potencial për të ardhmen, por edhe me aftësinë për të dhënë menjëherë kontribut në nivele të larta.

Top Channel