“Nata më e mirë e jetës sime”, Travis Kelce shfaq për herë të parë unazën e martesës një muaj pas dasmës me Taylor Swift

Lojtari 36-vjeçar i Kansas City Chiefs u fotografua të shtunën, më 15 gusht, teksa mbërriti në stadiumin Arrowhead për ndeshjen e parë parasezonale të ekipit të tij kundër Los Angeles Rams.

Kelce u shfaq me një këmishë të zezë me detaje në ngjyrë ari dhe pantallona të zeza. Në dorë mbante një pije freskuese, ndërsa vëmendjen e tërhoqi veçanërisht unaza e artë e martesës. Pamjen e tij e plotësuan një byzylyk ari dhe një orë dore.

Dasma e Kelce dhe Taylor Swift u zhvillua më 3 korrik në Madison Square Garden, në New York City, në një ceremoni që çifti u përpoq ta mbante larg vëmendjes së publikut.

Travis Kelce Flashes His Wedding Ring at Chiefs’ First Preseason Game, One Month After Marrying Taylor Swift https://t.co/YheMgFgun0

— People (@people) August 15, 2026

Sipas një burimi pranë çiftit, të cituar nga People, të dy janë “vërtet mirënjohës” ndërsa nisin këtë kapitull të ri të marrëdhënies së tyre.

“Ata të dy janë shumë të emocionuar që janë burrë e grua”, tha burimi, duke shtuar se marrëdhënia e tyre “ndihet edhe më e veçantë” pas martesës.

Çifti kishte njoftuar fejesën në gusht të vitit 2025, ndërsa ceremonia martesore u zhvillua në prani të rreth 1,000 të ftuarve. Mes tyre ishin edhe disa nga emrat më të njohur të Hollywood-it, përfshirë Julia Roberts, Tom Hanks, Reese Witherspoon, Laura Dern, Emma Stone dhe Brad Pitt.

Kelce foli publikisht për herë të parë për dasmën të mërkurën, më 12 gusht, duke e përshkruar ceremoninë si “natën më të mirë të jetës sime”.

Ai falënderoi të gjithë ata që morën pjesë dhe festuan së bashku me çiftin, ndërsa e cilësoi mbrëmjen si “të çmendur”, duke theksuar se kishte “shumë festime”.

Tashmë, pas dasmës së shumëpërfolur, Kelce duket se ka vendosur ta mbajë simbolin e martesës së tij në qendër të vëmendjes, duke e shfaqur publikisht për herë të parë në stadiumin e Kansas City Chiefs.

Top Channel