Një moment i veçantë është regjistruar në Kolumbi, ku presidenti i FIFA-s, Gianni Infantino, është përballur me pyetje të drejtpërdrejta nga gazetarët lidhur me mbështetjen që ai gëzon nga CONMEBOL, konfederata e futbollit të Amerikës së Jugut.
Në pamjet e publikuara, një gazetar e pyet Infantinon nëse ka mbështetjen e CONMEBOL-it, por presidenti i FIFA-s nuk jep asnjë përgjigje. Infantino vijon të ecë, ndërsa është i rrethuar nga truprojat.
Situata bëhet edhe më e tensionuar kur pjesëtarët e sigurisë përpiqen të largojnë gazetarët që afrohen për të marrë një reagim nga kreu i FIFA-s. Infantino nuk ndalet dhe nuk kthen përgjigje ndaj pyetjes, duke lënë në ajër një çështje që në këtë periudhë ka marrë vëmendje të madhe: sa e fortë është mbështetja ndërkombëtare për presidentin e FIFA-s?
Pamjet kanë tërhequr vëmendjen pikërisht për faktin se pyetja është e qartë, ndërsa përgjigjja mungon. Në vend të saj, Infantino vazhdon rrugën i shoqëruar nga siguria, ndërsa gazetarët përpiqen të marrin një reagim.
Një skenë që, të paktën nga pamjet, lë më shumë pikëpyetje sesa përgjigje.
Kliko këtu për të parë momentin e reagimit të Infantinos
Top Channel
