Kriza rreth presidentit të FIFA-s, Gianni Infantino, po merr përmasa gjithnjë e më të mëdha.
Federata Angleze e Futbollit (FA) ka dalë publikisht në mbështetje të UEFA-s, duke deklaruar se qëndron plotësisht në krah të konfederatës evropiane në përplasjen me kreun e FIFA-s.
Në deklaratën e saj, FA thekson se mbështet pa rezerva pozicionin e UEFA-s, duke i dhënë një peshë edhe më të madhe presionit që po ushtrohet ndaj Infantinos.
Sipas raportimeve, UEFA i ka bërë të qartë presidentit të FIFA-s se duhet të japë dorëheqjen, përndryshe rrezikon të përballet me një votim mosbesimi që mund të çojë në largimin e tij nga drejtimi i organizatës më të madhe të futbollit botëror.
Mbështetja e Federatës Angleze konsiderohet një zhvillim i rëndësishëm, pasi FA është një nga federatat më me ndikim në futbollin botëror. Ky qëndrim sinjalizon se pakënaqësia ndaj drejtimit të Infantinos nuk është më e kufizuar vetëm te UEFA, por po fiton mbështetje edhe nga federata të fuqishme kombëtare.
Nëse tensionet vazhdojnë të përshkallëzohen, Gianni Infantino mund të përballet me sfidën më të madhe të mandatit të tij në krye të FIFA-s, ndërsa e ardhmja e tij në post mbetet gjithnjë e më e pasigurt.
Top Channel
