Gianni Infantino ka reaguar ashpër ndaj valës së kritikave që shoqëruan organizimin e Kupës së Botës 2026, duke akuzuar kundërshtarët e FIFA-s se janë “të konsumuar nga urrejtja” dhe se kanë zgjedhur të fokusohen vetëm te polemikat, duke injoruar suksesin e turneut.
Në një letër të hapur të publikuar në rrjetet sociale, presidenti i FIFA-s mbrojti me forcë organizimin e Botërorit në SHBA, Kanada dhe Meksikë, duke theksuar se kompeticioni u zhvillua në mënyrë të sigurt, mblodhi miliona tifozë nga e gjithë bota dhe tregoi edhe një herë fuqinë e futbollit për të bashkuar njerëzit.
Infantino iu përgjigj edhe kritikave për çështje të ndryshme që shoqëruan turneun, si problemet me vizat për disa tifozë dhe delegacione, vendimet disiplinore të FIFA-s, si edhe polemikat për arbitrimin. Sipas tij, këto episode u frynë tej mase dhe nuk duhet të errësojnë suksesin e përgjithshëm të Kupës së Botës.
Në fund të mesazhit, kreu i FIFA-s u bëri thirrje kritikëve të “ndalojnë për një moment, të reflektojnë, të meditojnë ose të luten”, duke shtuar se futbolli duhet të jetë një mjet që bashkon njerëzit dhe jo një arsye për të përhapur urrejtje apo dezinformim.
Top Channel
