Finalja e Botërorit 2026 vë përballë dy skuadrat më të mira të planetit; Spanjën, kampione e Evropës dhe Argjentina mbrojtëse e titullit botëror që do të luajnë këtë të dielë në atë që është dueli i stileve të ndryshme të suksesit.
Të dhënat e reflektojnë qartë këtë kontrast; La Roja e Luis De La Fuente përfaqëson talentin e ri, dominimin e topit dhe vlerën më të lartë në merkato, ndërsa skuadra Albiceleste ka si armë eksperiencën e lidershipin e Lionel Messit dhe një aftësi të jashtëzakonshme për të mbijetuar momenteve më të komplikuar.
Nuk është rastësi që të dyja skuadrat arritën në finale. E nisën këtë turne si dy skuadrat e para në renditjen e FIFA duke e konfirmuar në fushë hierarkinë e këtij klasifikimi. Të dyja nuk kanë pësuar humbje në këtë botëror edhe pse trajektoret e tyre kanë qenë të ndryshme. Por edhe në planin ekonomik dhe social të dyja skuadrat janë në botë të ndryshme.
Spanja vlen thuajse 80% më shumë
Ka një diferencë të madhe në vlerën ekonomike të të dyja skuadrave. Sipas Football Benchmark, Spanja e nisi Botërorin me një vlerë të merkatos 1. 47 miliardë euro, ndërsa Argjentina, me 818 milionë euro. Që do të thotë se Spanja kë një skuadër 80% më të shtrenjtë se kampionët në fuqi të botës. Pjesa më e madhe e kësaj diference është nga Lamine Yamal, aktualisht futbollisti më i kushtueshëm i planetit me 292.2 milionë euro. Po kështu Spanja ka një skuadër më të re me një moshë mesatare, 26.7 vjeç kundrejt 29.1 të Argjentinës, një prej skuadrave më të vjetra të kampionatit.
Dominimi spanjoll reflektohet edhe në formacionin e futbollistëve për vlerën e merkatos. Shtatë nga 11 lojtarët e këtij formacioni të veçantë i përkasin kombëtares spanjolle në një ekip që e kalon vlerën e 1 miliard eurove. Bashkë me Lamine Yamal në këtë formacion janë edhe emra si Pedri (139 milionë) apo Cubarsí (110 milionë), ndërsa te Argjentina lojtarët me vlerën më të lartë janë Enzo Fernández (104 milionë) dhe Julián Álvarez (88 milionë).
Lionel Messi fiton dhe jashtë fushe
Argjentina nga ana e saj dominon qartë në impaktin mediatik të turneut. Futbollistët e Scalonit kanë 667 milionë ndjekës në Instagram në total, kundrejt 140 milionë të Spanjës. Shpjegimi ka një emër; Lionel Messi, pasi vetëm ai ka 512 milionë ndjekës. Po kështu diferencat mes Argjentinës dhe Spanjës qëndrojnë edhe rritja digjitale. Që nga 11 qershori deri në 14 korrik, llogaria zyrtare e kombëtares argjentinase fitoi 2.4 milionë ndjekës, një rritje me 16.2%, ndërsa Spanja fitoi 500 mijë ndjekës, +6.7%. Po kështu edhe në elementë të veçantë diferenca është e konsiderueshme. Pesë futbollistët argjentinar që u rritën më shumë gjatë turneut fituan 11.8 ndjekës, shifër kjo që është 2 herë më e lartë se 5 lojtarët e Spanjës me rritjen më të mirë digjitale(5.6 milionë). Messi kryeson këtë klasifikim me 6 milionë ndjekës të rinj, i pasur nga Julián Álvarez, Emiliano Martínez, Leandro Paredes dhe Lisandro Martínez, të gjithë me mbi 1 milion ndjekës të rinj.
Edhe konsumimi fizik do të luajë në finale
Një tjetër faktor i rëndësishëm është konsumimi fizik i akumuluar gjatë kampionatit. Emiliano Martinez kryeson klasifikimin e minutave të zhvilluara me 795 minuta duke mos humbur asnjë sekondë në rrugëtimin argjentinas deri në finale. Pas tij është Mac Allister me 730 minuta, ndërsa Spanja ka 5 futbollistë ndër 8 lojtarët më të aktivizuar, Marc Cucurella, Unai Simón dhe Pau Cubarsí kanë 717 minuta ndërsa edhe Aymeric Laporte dhe Rodri también e kalojnë kufirin e 700 minutave aktivizim.
Top Channel
