Zendaya mahnit në premierën e “Odisea”, shfaqet me një fustan spektakolar me krahë engjëlli

Aktorja u shfaq të martën në mbrëmje, më 14 korrik, në tapetin e kuq të premierës së filmit të ri të regjisorit Christopher Nolan në Teatrin AMC Lincoln Square, e veshur me një krijim të bardhë spektakolar me krahë të mëdhenj, që i jepnin një pamje engjëllore dhe lidhej me personazhin e saj në film.

Zendaya, e cila interpreton perëndeshën Athena në “The Odyssey”, zgjodhi një fustan të krijuar nga shtëpia franceze e modës Matières Fécales. Veshja kishte një dekolte asimetrike pa rripa, një bisht elegant dhe pupla të mëdha të bardha në pjesën e shpinës, duke krijuar një pamje të frymëzuar nga mitologjia greke.

TOM HOLLAND ASKING IF ZENDAYA IS OKAY AND ON TOP OF THAT COMPLIMENTING HER….

IS IT TOO MUCH TO ASK FOR A HUSBAND LIKE THAT? I LOVE BOTH OF THEM SO MUCHHHHHH pic.twitter.com/ZzljPPyGtQ

— nah (@_nahmt) July 15, 2026

Aktorja e kompletoi paraqitjen me taka të bardha, një bishtalec të gjatë dhe grim në tone natyrale. Aksesorët përfshinin edhe vathë të gjatë me diamante nga marka luksoze Chopard. Pamja e saj u realizua nga stilisti i saj i njohur dhe bashkëpunëtori prej kohësh, Lo Roach.

Paraqitja e Zendayas u kthye menjëherë në një nga momentet më të komentuara të premierës, ndërsa fotografitë e saj qarkulluan gjerësisht në rrjetet sociale.

Në premierë ishin të pranishëm edhe aktorë të tjerë të kastit të filmit, mes tyre Matt Damon, Anne Hathaway dhe Charlize Theron.

“The Odyssey” është një adaptim kinematografik i veprës së famshme të Homerit dhe sjell një kast të madh aktorësh. Matt Damon interpreton Odiseun, Anne Hathaway luan Penelopën, Zendaya personifikon perëndeshën Athena, Robert Pattinson interpreton Hermesin, ndërsa Charlize Theron luan rolin e shtrigës Circe. Filmi i Christopher Nolan pritet të shfaqet në kinematë botërore më 17 korrik.

Top Channel