Ndeshja gjysmëfinale mes Argjentinës dhe Anglise është plot me histori, por mes revanshit të 1986, rivalitetit ndërmjet dy vendeve apo duelit Bellingham-Messi, portieri i skuadrës Albiceleste mund të bëjë historinë në Kupën e Botës.
Gardiani nga Mar de Plata, nëse do të jetë në fushën e lojës, do të bëhet portieri argjentinas me më shumë ndeshje në historinë e kampionateve botërore.
Në këtë mënyrë, Emiliano Martinez do të kalonte të gjithë paraardhësit e tij dhe do të ishte në historinë e futbollit argjentinas në këtë aspekt. Deri tani duke marrë parasysh edhe edicionin e 4 viteve më parë, Emiliano Martinez ka 13 ndeshje të zhvillura në kampionatet e botës. Në ndeshjen me Zvicrën, ai kaloi Sergio Romero që ishte me 12 ndeshje të luajtura në botërorët 2010 dhe 2014. Nëse Martinez do të luajë ndaj Anglisë, gje që është mëse e mundur do të kalonte gardianin ‘Pato’, që ishte titullar në titullin e parë botëror të fituar nga Argjentina në 1978.
Për më tepër, statistika e Dibu Martinez merr akoma më shumë vlerë për mënyrën sesi e ka arritur, i janë dashur vetëm 2 botërorë për të regjistruar një shifër të tillë, diçka që ‘Parto’ e ka arritur në më shumë edicione.
Top Channel
