Rrëfimi i sinqertë i Ronaldo Fenomenit: Kur u tërhoqa nga futbolli rashë në depresion
10/07/2026 23:33
Spanja, Lamine Yamal pas suksesit: Franca? Jam i përgatitur 11/07 00:44
Skema e ngjyrave
Madhësia e shkrimit
Ronaldo Nazario Da Lima është një nga legjendat më të mëdha jo vetëm të Brazilit por edhe në historinë e Botërorëve. Ai që ka qenë kampion bote me Seleçaon në 1994 dhe 2002, është parë si spektator luksi në disa ndeshje të këtij edicioni të Kupës së Botës.
E megjithatë kombëtarja e vendit të tij, Brazili nuk u kualifikua mes 8 më të mirave të botës pasi u eliminua në 1/8 e finaleve nga Norvegjia e Erling Haaland.
Ai që është shënuesi më i mirë brazilian në historinë e botërorëve hapi zemrën teksa foli në lidhje me periudhën kur vari këpucët në gozhdë, një rrëfim që e bëri në podcastin ‘Futebol Legens Talks’.
Ronaldo u tërhoq nga futbolli kur ishte 34 vjeç në 2011, por qëndroi i lidhur me botën e futbollit.
‘Kur vendos të lësh futbollin e luajtur, ndihesh sikur të ka vdekur dikush pranë teje-tregon Ronaldo-vuajta një depresion të ashpër, fitova shumë peshë. Ishte shumë e vështirë që të lija futbollin. Ideja se nuk do të kthehesha të luaja më për një periudhë kohe ishte shkatërrimtare’.
Ronaldo shtoi se pikërisht në atë moment e kupton se ke të tjera gjëra për të bërë në jetë, por ideja që nuk do të konkurronte më i mbeti në mendje. Ronaldo Nazario pati një karrierë si rrallëkush. Ka zhvilluar 4 botërorë, duke fituar në 2 edicione. Në rang klubesh ka luajtur për Realin e Madridit, Barcelonën, Interin dhe Milanin.
Pasi vari këpucët në gozhdë mori drejtimin e klubit të Cruzeiros për 3 vjet(2021-2024) ndërkohë që ka qenë edhe aksioner i Real Valladolidit në periudhën 2018-2025.
Top Channel
