Atentati me bombë në shtëpinë e tij, gazetari italian i del në mbrojtje mikut që u mor në hetim: Kam besim te ai, por ka disa gjëra që duhen sqaruar 07/07 15:13
Skema e ngjyrave
Madhësia e shkrimit
Presidenti i Shteteve të Bashkuara, Donald Trump, ka mbërritur në Ankara përpara Samitit të NATO-s, ku u prit nga Recep Tayyip Erdogan.
Në momentin kur Trump zbriti nga avioni, ai dhe presidenti turk ecën krah për krah njëri-tjetrit përpara pritjes nga garda ushtarake.
Donald Trump: “Merhaba asker!” pic.twitter.com/uBw0Jk1akc
— BPT (@bpthaber) July 7, 2026
Vizita e Trump në Samitin e NATO-s vjen në një periudhë me diskutime të shumta për të ardhmen e aleancës, pasi administrata amerikane ka ngritur më herët çështjen e një rishikimi të rolit dhe angazhimit të SHBA-së brenda NATO-s.
Një nga temat e debatit ka qenë edhe çështja e Turqisë dhe programit të avionëve luftarakë F-35. Uashingtoni ka diskutuar mundësinë e rikthimit të Ankarasë në këtë program, pavarësisht përdorimit nga Turqia të sistemeve ruse të mbrojtjes ajrore S-400, një çështje që ka shkaktuar kundërshtime nga disa figura republikane dhe nga Izraeli.
Gjatë qëndrimit në Ankara, Trump pritet të zhvillojë edhe takime me Presidentin e Ukrainës, Volodymyr Zelensky, si dhe me Presidentin e Sirisë, Ahmed al-Sharaa.
Top Channel
