Mauricio Pochettino do të zhvillojë bisedime rreth të ardhmes së tij si trajner i Kombëtares së SHBA-së në javët në vijim.
Bashkë-organizatorët, SHBA, u eliminuan nga Kupa e Botës në fazën e 1/8-ave pas një humbjeje të rëndë 4-1 nga Belgjika ditën e hënë. Kontrata aktuale e Pochettino-s skadon në përfundim të këtij turneu.
Një deklaratë nga Federata Amerikane e Futbollit (US Soccer) u publikua pak orë pas disfatës së rëndë të kombëtares, duke sqaruar pozicionin e Pochettino-s si trajner. “Patëm biseda pozitive me Mauricion para Kupës së Botës në lidhje me të ardhmen,” lexohet në deklaratë.
“Ramë dakord që t’i vazhdojmë këto bisedime pas një mundësie për të pushuar dhe reflektuar pas Kupës së Botës. Kemi shumë respekt dhe mirënjohje për Mauricion, stafin e tij dhe për të gjithë ata që janë pjesë e programit. “Kemi ndarë entuziazmin për potencialin tonë dhe gjithashtu kemi qenë të qartë për vëllimin e punës që nevojitet ende në të gjitha nivelet për të arritur ambiciet tona.”
Çfarë pritet në vazhdim?
Ish-trajneri i Tottenhamit dhe Chelseat, Pochettino, ka qenë duke shqyrtuar nëse do ta lidhë të ardhmen e tij me ekipin kombëtar amerikan. Mediat angleze mësojnë se 54-vjeçarit i është ofruar një zgjatje kontrate prej katër vitesh, e cila do ta mbante atë në detyrë deri në Kupën e Botës 2030.
Top Channel
