Një shqiptar është arrestuar dhe akuzuar për kontrabandë emigrantësh Francë-Angli, pas një hetimi të Agjencisë Kombëtare të Krimit në Mbretërinë e Bashkuar.
Sipas NCA, që i referohet Top Channel, shtetasi shqiptar Vilson Halili, 40 vjeç, u arrestua nga oficerët e NCA-së në Redhill, Surrey, ditën e djeshme.
Pas marrjes në pyetje nga hetuesit, ai u akuzua për dy akuza për konspiracion për të lehtësuar imigracionin e paligjshëm, në lidhje me kalimet që ndodhën në vitet 2021 dhe 2022.
Ai u akuzua gjithashtu për mashtrim në lidhje me dokumente identiteti të dyshuara të falsifikuara të gjetura gjatë operacionit, dhe vepra penale të pastrimit të parave.
Halili pritet të paraqitet para Gjykatës së Magjistraturës së Guildford ditën e sotme.
Top Channel
