‘Çfarë bëmë teksa prisnim të riktheheshim në fushë? Kemi luajtur me letra’-kështu u shpreh trajneri i Francës Didier Deschamps teksa me tone shakaje tregoi për pritjen e gjatë pas pezullimit të ndeshjes me Irakun për shkak të rrufeve-Në realitet po argëtohesha me futbollistët e mi’
Në lidhje me këtë moment foli edhe Kylian Mbappe, autori i dy golave në fitoren 3-0 të nënkampionëve të botës.
‘Ishte një mbrëmje shumë e gjatë. Kaluam shumë kohë duke pritur. Është e lodhshme në nivel emotiv dhe mental sepse duhej të qëndronim gjithë kohën të përqendruar dhe aktivë në dhomën e zhveshjes. Të rrish për 1 orë e gjysmë, gati 2 orë duke ruajtur përqendrimin është shumë e vështirë dhe kërkon shumë. Futbollistët bënë një sforco të madhe ashtu sikurse edhe stafi’-tha Mbappe
Ndërsa Jules Kounde hyri më në detaje.
‘Bëmë pak çiklizëm për të qëndruar aktivë. Më pas ndaluam për të biseduar teksa prisnim të ktheheshim në fushë për nxemjen-tregoi mbrojtësi i përfaqësueses franceze.
Top Channel
