Një deklaratë bombastike nga legjenda Peter Schmeichel ka ndezur një debat të fortë, pasi ai pretendon se goli historik i Lionel Messit kundër Austrisë duhej të anulohej.
Messi shënoi golin e tij të 17-të në Kampionatet Botërore, duke parakaluar Miroslav Klosen për t’u bërë golashënuesi absolut në historinë e turneut. Megjithatë, ish-portieri i Manchester United thekson se aksioni i argjentinasve nisi nga një faull i pastër.
“Nuk mendoj se ai gol duhej të njihej. Mac Allister rrëzoi me faull Xaver Schlager dhe VAR-i duhej ta kthente aksionin pas. Është një gabim i qartë i arbitrit dhe ndihem i frustruar,” deklaroi Schmeichel për “Fox Sports”.
Gjithsesi, edhe një anulim i mundshëm nuk do t’ia hiqte rekordin 38-vjeçarit argjentinas, pasi ai gjeti rrugën e rrjetës sërish në minutat shtesë. Vetë Messi u shfaq i rraskapitur pas ndeshjes, duke u shprehur: “Jam shumë i lodhur dhe po luaj me energjitë e fundit, por po e shijoj në maksimum këtë moment.”
Top Channel
